Mijá åvdåsvásstádusguovlo

Varresvuohta vijdes vuojnon

Skihpasujtto l stuorámus doajmma Skåne Dajvan. Aktan bargujn lasedum álmmukvarresvuohtaj, mihtos åtsådimijn ja stuorra skånelasj industriddja dálkkasin ja dálkasasjteknijkajn dahká vijdes spektrumav varresvuodas majna Skåne Dajvva barggá.

Sujtto

Skåne Dajvva mierret gájkbadjásattjat sujtto birra. Gávnnuji badjel 200 duostudagá umasslágásj suorgijn láhkaskihpasujton Skånen. Skåne Dajvva aktit almulasj biednigahtedum skihpasujtov Skånen, mij dåjmaduvvá goappátjagá priváhtta ja almulasj dåjmajs.

Bádnesujtto

Skåne Dajvva aktit almulasj biednigahtedum bádnesujtov Skånen, mij dåjmaduvvá goappátjagá priváhtta ja almulasj dåjmajs.

Álmmukvarresvuohta

Ulmme álmmukvarresvuohtabargguj la dåjmadit buorre varresvuodav sämmi vidjurijda ålles álmmugij Skånen. Skåne Guovllo åtsåt ummaslágásj dagoj baktu gåktu viesájdiddje viessu ja barggi buorre ja avtalágásj fysijkalasj ja sosiálalasj varrresvuohtaj Skånen.

Åtsådibme viessomdiedajn

Gávnnu lahka gasskavuohta allaspesialiseridum sujton Skåne Dajvan ja dálkasasj åtsådimen Lunda universitehtan. Skåne l aktan Köpenhamnabájkijn akta Europa dajvajs mij ruvámusát stuorru vidnudagájda ja åtsådimijda viessomdiedan (life science), Medicon Valley.

Lassánim ja nanos åvddånibme

Ekonomalasj lassánim ja nanos åvddånibme l álggovijor vaj viesájdiddjijn Skånen galggá buorre viessomkvalitähtta. Skåne Dajvan la lájddijiddje doajmma bargon åvdedit infrastruktuvrav, nannodit äládusáv ja dahkat nanos ja miellodahtte Skånev.

Äládus Näringsliv

Skåne Dajvva aktit ja barggá aktan måttijn ietjá almulasj ja priváhtta dåjmadiddjijn åvdedittjat skånelasj äládusáv ja lasedit lassánimev Skånen.

Sebrudakplánim 

Skånen álmmuk ienebut sjvahtjagoahtá, ja ållusijda åroj, barggo ja asstoájggedoajmma gávnnu umasslágásj kommuvnajn. Skåne Dajvva galggá doarjjan kommuvnajda årrot ja aktidit fysijkalasj sebrudakplánimav dajvak mieren.

Infrastruktuvrra

Vedja, ruovdderahte, hámna ja háledimsaje dahki aktan gåbddåbáttijn ávkkimmáhttelisvuodav ja åvdeldimijt buorre åvddånimev Skånen. Skåne Dajvva pláni ja aktit boahtteájggásasj dåjmajt infrastruktuvrraj Skånen.

Kollektivtrafik

Skåne Dajvan la ålles åvdåsvásstádus kollektijvvatrafijkas Skånen. Skånetrafijkka l Skåne Dajvas oasse ja åvdåsvásstet kollektijvvatrafijka tjadádimes nåv gåk stádabussa, dajvvabussa, ja dajvak tågatrafijkka- Pågatåga ja Öresundatåga.

Birás ja natuvrra

Skåne stuorámus barggovadden la sisŋásj birásbargon Skåne Dajvan stuor ájnasvuohta. Aktan vijdes rabásmielak bargujn de doajmmá buorre ja nanos birrasij ja natuvrraj ålles Skånen.

Skåne Dajvva l aj fábmudahka Skånevádtsusij, mij la bájkoj 120 mijla vádtsusijs Skånen ja doarjju bájkoj guoklåk vájaldimbájkij tjuottjudusáv.

Kultuvrra

Skåne Dajvva aktit kultuvra aktidimev Skånen ja juogat dajvak ja stáhta biednigijt kommuvnajda, kultuvrraásadusájda ja friddja kultuvrraiellemij.

Skåne márnánahttem

Aktijbargon kommuvnaj ja ietjá dåjmadiddjij de márnánahttep Skånev guossidim- ja evenemaŋŋadajvvanx.