Telefonirin 1177 te puče radi baš nasvalipaskoro arakhibe

Ko 1177 šaj te vikine 24 sahati te puče baš nasvalipaskoro arakhibe. Akate vikene isti keda na džane kaj te bolde tut ani nasvalipaskoro arakhibe. Ko 1177.se arakhes isto kontakto ko vårdcentri hem šaj te dikhes keda isi phravdo hem save vårdcentrali si phravde pe račiate hem keda si savato hem kurko.

Ko 1177.se si informacia pe nacionalne minoritetne čhibia.

1177.se (1177.se)

Kontaktirin tlo vårdcentrali keda sian nasvalo

Ko vårdcentrlli si personali khaj isi buvlo džanlipe on dikhen e naj normalne nasvalipa, hronica nasvalipa, jekh baro kotor so tikne čave hem phure šaj te ljien, psyhicne hem javer dukhajipe.

Akate ljies jekh angluno dikhipe ple čire dukha. Te trebul tut buteder žutipe ljies jekh remiso khaj jekh specialist doktori, sar eksemplo morčiako doktori, ortopedi ili psyhiatria.

Ane but landsting, ukljucujici Skåne šaj te mangen vrama direktno khaj jekh specialist doktori, bizo remisi. Disave kliniki mangen te hramome korkori jekh remisi (egenremiss) ili jekh mangipe korkori nasvalipaskoro arakhibe (egen vårdbegäran).

112

Telefonirin ko 112 te trebela sigate žutipe, ili dža ko naj paše akutno dumodejbe (akutmottagning).