Nåvti sujtto doajmma
Jus skihppá, vahágahteduvá jali dárbaha bagádusájt ietjat varresvuoda birra de vuostak aktavuodav válde ietjat varresguovdátjijn. Jus dárbaha skihpasujttobagádusáv de máhtá aj riŋŋgit 1177 Sujttooahpestiddjáj telefåvnåjn.
Riŋŋgi 1177 nummarav rádevaddemij sujto birra
177 Sujttooahpestiddjáj máhtá riŋŋgit idja biejve rádevaddemij sujto birra. Diehki aj riŋŋgi jus la juoren gejna galga aktavuodav válldet sujton. Webbabielen 1177.se gávna aj aktavuohtadiedojt sujttoguovdátjijda ja vuojná ma li rahppot iehkedis ja vahkkogietjen.
Webbabielen 1177.se lågå diededimev rijkalasj unneplågogielajn.
Aktavuodav válde ietjat varresguovtatjijn jus skihppá
Varresguovdátjijn gávnnuji bargge vijdes máhttudagájn gudi sujttiji dábálamos skibádagájt, stuoves skibádagájt, mánáj ja vuorrasij skibádagájs stuorra oasev, psykalasj nievres varresvuohta ja umasslágásj vahága. Dánna oattjo ietjat vájvijs vuostasj árvvalimev. Jus ienep sujtov dárbaha de remissav oattjo dåktårij mij la specialissta ietjas guovlon, buojkulvissan lijkkedåktår, ortopeda jali psykiatridjár.
Moatten lánndadikken, Skånen aj máhttá ájgev diŋŋgot njuolgga specialiseridum dåktårin, váni remissa dagi. Muhtem duostudagá de sihti duv tjállet ietjatremissav jali ietjat sujttoádnomav.
Riŋŋgi 112 jus dárbaha hähkka sujtov
Jus hähkkat skihppá jali vahágahteduvá, de riŋŋgi 112, jali maná lagámus hähkkaduostudahkaj.
Senast uppdaterad: 3 juni 2024
Fick du hjälp av informationen på denna sida?